Geeraaro

Soow luuntii anfaaciga
iyo kama go'in waxaan liqo.
Soow laamigaa wixii mara.
Kama daba lugeeyoo.
Laasim kuma malaystaba.
Lug kastoo dhaqaaqdaba.

Malaha leeylo gobo'leey.
Iyo laqdabaabad moodaa.
laakiin baad u aragtaa.
Beer laxawsigaygana.
Malaa caashaqa laftiisaba.
Malaqmayn karayside.
Mar haduu laftaadiyo.
Adi kugu lug duubnayn.
Wuxuu Layn ha laayee.
Waxba kaama lumayaan.

Ladnaan baad u hurudaa.
Laxooxdana u bidhataa.
Liirada talyaaniga.
Iyo yuuroo Lacagaheedaad.
Laydh qaboow ku nuugtaa.
Lahawyada aduunyadu.
Adi kuma labaayaan.

Malaha luunkaan i gawracay
iyo leeleelkan aan ahay.
Laxaw kuguma beeraan,
Malaa ludda kama dareensanid.
Leedo fuulka caashaqa sida uu u laba jaro.
Ciduu laadku ugu dhaco.

Lafa guridda Sheekada.
Liibaanto hay badin.
Inuu dhiigu liigee.
Luxudkana hay dhigin.
Waa lagu su'aaliye.
Ila laba lis Caashaqa.
Aan libin ka gaaree.

Macaaneey iga gudoon salaan
aan maaxanaayey maalmo badan
murti iyo macno wayn xambaarsan
malo awaal ka dheeroo manafacaad wada

Macaaneey hadii aan malaxa keeno maskaxdayda
Wabi baan makhuurtoo ma nooli
Caashaq baa i mudoo maan ma haayo
maskaxda iyo maankayga adigaa ka muuqda
maalintaan ku waayana waan malganahay.

Macaaneey nafsigu waa mashaakile
maya hay oran
Macaaneey adaan magantaa ahee
maya hay oran
macaaneey adaan magantaa ahee
maya hay oran
Macaaneey haygu dayn mahiigaan
Oo meel cidla ah ha iiga tagin
adaan ku maagee


Baaxad dhaaf salaaniyo
bur jacayl malaboo
bogga iyo laabtiyo
Sambabada i buuxshoo
Badan oo balaaran
u buseelay iha hoo.

Bilaw weeyee iga qaad
Waa bishaaree Barqadayso
Wixii Baadiyeeyiyo
Balo aan ka dhawree
Basar ii dhagayso

Waan bukaa Xabiibi
Waa bastaye ma ogtahay
Beer iguma yaaloo
Adigay gala baxay
Bilcaan kale ma eegoo
Adaa ii baxaayee
Bishimahayga hadal iyo
Baashaal waan ka reeboo
Adaa ii baxaayee
Bisinkee xageen tagi?

Ba'da kale waxaan idhi
Balan aan ku siiyo
Axdi aan ku buuxshoo
Bar-baar kale ha eegin
Shaydaani burcad kuu marin
haka bixin aftida
Iftiin weeye baxayoo
Jirid weeye aan balaarane
Biqil weeye baqay hadeere
una badi waraabkoo
Baal mari shimbirtu
Waa ay baaburine
Oo abaayo ha bur burin jacaylka>
Fiiro Gaara.
Dulimada wax dila iyo
Dugaagiyo qaniinkiyo
Dira diraha iyo midka
Kala dila dadka is jecel
Ka digtoonoow daaniga
Daadihi oo ha sii dayn
Ka ilaali darayada
hadba kaynta daaqa leh
ku sii daa yuuna diifine
kana daa dudmada
Dagal nooma noqotee
Soo Dadaji Jawaabtana
. .............
. .............
Ubaxeey kal gacalkii
kaydka igu ahaabaa
kooraha isaaroo
ikadeeday anigee
.....
Sida roob kaliil da'aay
Kaymahoo isdhaafaay
Kaalintii ilayskiyo
Kaahii aayahaygaay
.......
Naftaydaad kafaysaa
Kashaydaad Dawaysaa
Kufkaygiina waad tahay
Kugu reemay Uabaxeey
.........
Kooraan jiita aadmiga
Dabci aan la kohanayn
Koonka ugu sareeyiyo
Ubax koodhay Dumarkaa
.........
Kaalmaynta Dariskiyo
Kadabkaa xalaasha ah
Waalidkeedii koriyey
Kawaddaa Karaamada
,........
Naftaydaad kafaysaa
Kashaydaad Dawaysaa
Kufkaygiina waad Tahay
Kugu reemay Ubaxeey

..................................

Dadka taan ka doortaay
Dareenkii wadnahaygaay
Diirkii jirkeygaay
Dooqeygu tuu raacaay
Waxaan kuu soo dirayaa
Salaan daacad ahoo debecsan
Diiranoo duunyoo idil iyo
Doolarka ka qaalisan
Oo dubka sareetiyo
Halbowlaha dacaladiisiyo
Ku dahaaran qalbiga
Oo diiwaanka wadnihiyo
Ku daboolan caloosha
Ee adigana ha daayicinoo
Haygu sii deynin duurkee
I daryeel macaaneey
Daa'inkii ina uumayna
Waxaan kaaga dalbayaa
Deeq inuu ku siiyiyo
Caafimaad derejo leh
Intaa dabadeed aan
Aan iska dabro salaantoo
Aan usoo daadago
Dulucdiyo ujeedada
Inanyahay dartaa baan
Duhur iyo habeen
Hurdadii u diiday
Anfacadiinna u daayay
Jaceyl bey duufsadoo
Duufaannada waxqaadiyo
Igu diray dabeylaha
Ee intaanan dulloobinoon
Duurka gelin
Idugaaliyoo idaawee
Ila duubo gacalooy
...............................................

Dooqiyo jaceylkuba
Dadka wey wadaagaan
Damac iyo xishoodna
Dumar lagama waayo
Diintiyo qur'aankuna
Culimadu ma deyso
Anna doonistaadii
Kama daallin inanyahay
Inaan kuu dandaranahay
Adba waad dareentaye
Maad ila dadaashid?
Cowsha duurka joogtiyo
Dugaagiyo waraabahaan
Maalmahan la deris noqday
Waan daahayaayoon
Waan duulayaayoon
Adiga kuu duleysnahay
Degenaanshihii diidayoo
Cishqi kale igama degaayo
Ee hadaan leygu kaa dirin
Ama dooqu xumi gelin
Maxayna kala dareershay?
Waranka duxdiisiyo
Waxa adiga kuu daran
Anba kuguma daayeen
Ee maxaad iiga durugtay?
Sida wiirada duushoo
Geedaha dushooda
Marna aan ku degin baan
Nasashadii u diiday
muddo waan dulqaatay
Samir waan ku daallay
Dooddeenii maratay
Ruux inoo daneeyoo
Nabaddeenna doonoo
Cishqigeenna daryeelaan
Dunidaba ka waayee
Dib makuu helaayaa?

..........................................

Salaan cuddoonoo
Calooshiyo beerka
Cududada jirkeygiyo
Caqligeyga ka timid
Carrabkeyguna carrifoo
Cirkaa sareetiyo
Gaadhay caadkaa
Camidhay adduunyada
Oo ruuxey u caraftaa
La cajaa'ibayaan
Calaacalaha ku sidaaye
Cadareey iga guddoon
Ceynka kale cuddooneey
Cantar kii xijaabiyey
Ceebla' ciribta gooyay
Calimaax cunaha jaray
Ku dabaashay cowraloo
Cilmi aakhiro u diraa
Anna calanka ii suray
Carfooneey aawadaa
Ceyshkii ka go'ayoo
U ciishooday nafteydii
Cishqigeyga inuu jiro
Waxaa kuu caddeyn kara
oo misna kuu calaamad ah
Cadgo'a jirkeygiyo
Ceynka aan isku beddelay
Waxanse u cabanayaa
Calaaqaad inaan yeelanee
Ma ciseysay codsigan?

......................................

dhaayahaaga buluugga ah
Dhabanadaada guduudan
Timahaaga dhuxusha ah
Ilkahaaga dhalaalaya
Dhabarkaaga ballaaran iyo
Dhexdaadan la qoraan
Suleeqaay la dheygagay
Dumarkaad wax dheertahay
Dhismaha jirkaagaa
Dhaayihii mar arkaa
Dhinac u jeeso oggoleyn
Hadal iyo dhamaantii
Yey ila dhaqaaqin amaantoo
Adna aanan wax kuu dhimine
Murtideyda ila dhuux
Dhimbil baa igu dheggenoo
Maalmahan idhibeysey
Jaceyl bey dhaawacoo
Dhinacaaga iga helay
Caashaqa dhibkiisana
Qofka laguma dhaafo
Dhaawaciisa culusaa
Dhaqtarkiisu yaraa
Dhimashadiisu fududaa
Dhadhan waan ka go'ayoo
Hurdo dhinac ma seexdo
Adaan kuu dhararayaa
Ee dhayal warkey ha moodin!

................................................

Gacalisadaan jeclaayeey
Guud ahaan adduunyada
Adaan kaa garwaaqsaday
Gaduudkaaga dhiinka ah baa
Gebigeey isaaqay
Axdigii hagarabmarin
Guursanmaayo inan kale
God inaad gasho mooyee
Ama aad igoysaa
Garaadkey wuxuu isiiyey
Guur inaan yagleelnoon
Gurigeey ku geystoon
Gogol kugula seexdo
Ee gef miyaa gacalooy?

                                         .........................

• Gabdhihii Ambiyadiyo
  ka sokoow asxaabtii
  Raxmooy adiga oo kale
  Ifka hooyo mey dhalin
  uur laguma soo sidin
  lamma soo abaabibnin
  Aabba muu gardaadinin
  ragna Arad ummey noqon
• timmaheeda muu arag
  araxdeeda muu dhugan
  Abwaan caashaq lamma jilin
  ugaasooy kummuu oran
  habeen muu agjiifanin
  umma uu abaalgudin
  Abboowana kummey dhihin,
  ammaantaada gacalooy
  ma idleynkaraayee
  Alloow aadan iil tagin
  innagoon aroosgalin
  Oorideyda aad noqon.
  
  Ina-Aadan Deeqeey
  qurux aabbaheedeey
  indha-caashaqleeyeey
  ayaan iyo nin hood lahaad
  Raxmooy ubad u qaaddaa
  ood Arad xalaal iyo
  ilmasida u noqotaa,
  aqal kaala toosaa
  ballantaada oofshoo
  immin dhexe habeenkii
  timmahaaga alabsadee
• oofaha ku seexdeen
  naasaha ibtoodiyo
  kuu salaaxa oogadoo
  adoo godol u agabdhigay
  neeftaada udugga leh
  sidii ila durdurayaan
  afkiisii ka buuxsada,
• ujeeddadu waxey tahay
  jacayl baa i abbaaroo
  Raxmooy aawadaa baan
  dummar uga agaagee
  eraygeynu dhiganniyo
  axdigii ha eexanin
  Alloow aadan iil tagin
  innagoon aroosgalin
  Oorideyda aad noqon

• 1. Xumaan iyo nabsi

   ruux xambaarsaday

   xashaash ku noolaan

   maayo, xaqdaro nin

   ku dhaqmaayo

  xakinkaa arkaayo

   xaqiiqdii guul ma

   gaaraayo, xiliga

   maanta la joogana

   xaalka aduun yaalo

   xifaalo malaha xili

  leys xisaabinaayo

  xabaasha aaqiro

  waaye ee xiskiina ku haaya.

  2. Dunidaan dabjirkeeda

  dayaxa laalaayo,

   dunidaan da'yarteeda

   dagaalka loo carbinaayo,

   dunidaan duqowdeeda

   nabada aan doonayn,

   dunidaan labadii is doorato

   dakano layskugu diidaayo

   dabkeeda ma yara,

   ana inaan daacad kuu ahay

   marna aanan ku dageynin

   damiirkaada u sheeg,

  wadnaheyga dushiisa iyo

   beerkeyga dacaladiisaan

  darin kuugu dul fidinayaa

  dareen la' aan ku dul seexo

  , hadaadan intaas ku daganeynin

  laabtaada sii danqaneyso

  dartaa waalidkeyga ha ii dilo

   ama duhurkaan ha ii deyrsho

   deg deg daartaada igu geyso.  

  3. Taariikhdaada nolosheyda

   kama tirmeyso ee talaahi

  aan ku dhaartay talaabkastoo

  aan qaado adigaan ku

  towaa taajkii arooskaaga

  tabaabusheysigiisa aan ku

  jiraa ee taajirnimo iima

  laabnee toosaneey

  taladeena waa toostee

  tacab shiid waa ka baxnee.

     

  4.  Ma jiraa jaceyloo?

  Ma jiraa jaceyloo,

   qofaad waanisoo

   wehel aad kadhigatooa

   warkiisa aad raacdoo

   waji aan wacneyn

  wax tar kaaga dhiga?.

     Ma jiraa jaceyloo

   qoraaf saad satoo

   saadir aad katuugtoo

  suubanaantii caashaqa

   samaantii jaceylka

   midna aan kusiin?

     Ma jiraa jiraa jaceyloo

   qofaad jamatoo

   jirkaaga moodoo

   aan jiirnaxaynoo

   jiriricyo jaceyl

  midna aan u jeedin?

     Ma jiraa jaceyloo

  qofaan kuu naxaynoo

   naftaada moodoo

   nuurkii caashaqa iyo

   naxariistii jaceylka

  midna aan ku siin

    Ma jiraa jaceyloo

   qofaad qiima wacan&

   qaayo wacan u yeeshoo 

   hadana aan kuu qireyn?

  5.  Sahal maahan caashaqa 

  hadaan lagula sideynin

  sibir waaka qaraar yahay

  samada iyo dhulka

  dhaxdooda saan qaadku

   badanaa samirkuna

  wacanaa silsilad waaye

   dunidaane hadba si

   kugu soo mareyso,

   sifaalaha nikaaxa sifahiisa

  furiin maxaa ka dhigay?. 

  6.  Dadaal aduunyo iyo

   dulqaad dib umaan

  dhigin damac daranaa

   dusha leyga saaray

  daaraha dushoodbaa

   dahab ley suray,

  dad kulul aan danqasho

   laheyn dooqaaga

  haduu galo dad looma

   eedsado, daahirii

  rasuulkeena iyo daa'inkii

   na abuurtaan dartood

   aan kugu deeyay.